Universiteti i Harvardit miraton kufizim për të vështirësuar marrjen e notave

Fakultetet e Universitetit të Harvardit votoi për të miratuar një kufizim në numrin e notave 'A' në secilin kurs, pjesë e përpjekjeve shumëvjeçare të kolegjit për të shtrënguar vlerësimin.

Fakulteti argumentoi se kufizimi i notave "A" do t'i inkurajonte studentët të studionin më shumë dhe se mbron vlerën e diplomave duke ruajtur reputacionin e Harvardit.

Rreth 70 përqind e fakultetit votuan në favor të vendosjes së një kufizimi për notat "A", tha Joshua Green, një anëtar i komitetit që propozoi politikën e re të vlerësimit.

"Ky vendim është një hap i rëndësishëm për të siguruar që sistemi i vlerësimit t'i shërbejë më mirë qëllimeve të tij kryesore: të njohë dallimin e vërtetë dhe të mbështesë misionin akademik të Kolegjit", tha dekanja Amanda Claybaugh.

Harvardi ka kërkuar prej vitesh të adresojë vlerësimin tepër të butë, duke shqyrtuar përpjekje të ngjashme në Princeton dhe Wellesley.

Një komitet i Harvardit shqyrtoi notat gjatë 25 viteve dhe arriti në përfundimin se një kufizim ishte i nevojshëm.