Tentoi ta largonte me shkop, burri sulmohet për vdekje nga ariu i murrmë në Bullgari

Një ari i murrmë vrau një burrë në malet Vitosha pranë kryeqytetit bullgar Sofje, ndërsa dëshmitarët thanë se ai u përpoq më kot të mbrohej me një shkop.

Ariu, i cili shoqërohej nga një këlysh, sulmoi burrin pranë një kasolle malore, tha drejtoria e kryeqytetit e Ministrisë së Brendshme, raportoi të dielën agjencia e lajmeve BTA.

Dëshmitarët i thanë gazetës online Boulevard Bulgaria, se ai ishte përpjekur ta largonte kafshën me një shkop gjatë sulmit të së shtunës.

Takimet vdekjeprurëse me arinjtë e murrmë janë relativisht të rralla në Bullgari, ndryshe nga Rumania fqinje në veri. Vlerësimet sugjerojnë se ka midis 300 dhe 500 arinj të murrmë në Bullgari, megjithëse nuk ka shifra të sakta.

Incidenti në malet Vitosha është gjithashtu i pazakontë, sepse arinjtë në Bullgari gjenden më shpesh në rajone të tjera malore./ DPA News.