Mijëra minatorë protestuan të enjten në qendër të La Paz, ku u përleshën me policinë gjatë demonstratave kundër presidentit bolivian Rodrigo Paz, duke kërkuar dorëheqjen e tij për shkak të krizës ekonomike që po përjeton vendi.
Sipas raportimit të AFP-së, protestuesit mbërritën në kryeqytet pas një marshimi nga qyteti fqinj El Alto, duke mbajtur helmeta minerarësh dhe duke hedhur parulla kundër qeverisë. Mes shpërthimeve dhe tymit të barutit, ata u drejtuan drejt selisë së qeverisë duke bërtitur “dorëheqje!”.
Minatorët pretendojnë se sektori minerar po përballet me mungesa serioze të karburantit, eksplozivëve dhe dollarëve, ndërsa kërkojnë gjithashtu zgjerimin e zonave minerare. Ata akuzojnë qeverinë e qendrës së djathtë se po injoron kërkesat e tyre.
“Ne kërkojmë dorëheqjen e kësaj qeverie të paaftë. Dialogu tani është shteruar”, deklaroi për AFP-në minatori Luis Apasa, i cili kishte udhëtuar drejt kryeqytetit nga Inkisivi, rreth 270 kilometra larg La Pazit.
Situata në Bolivi mbetet e tensionuar, ndërsa protestat kundër krizës ekonomike dhe mungesave në treg po shtohen në disa rajone të vendit.
Bolivia: #RenunciaPaz pic.twitter.com/dN0U3vb4Vy
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Tragjedi në Alpe, gjenden të pajetë tre alpinistë në malin 4 mijë metra të lartë pas aksidentit fatal
Kriza demografike në Japoni thellohet, regjistrohet numri më i ulët i lindjeve deri më tani
Rusia: Sulmi ukrainas me dronë vrau një person, shkaktoi zjarr në portin rus Temryuk