Ministria e Jashtme e Emirateve të Bashkuara Arabe mohoi të mërkurën një deklaratë të zyrës së kryeministrit izraelit, Benjamin Netanyahu, se ai e kishte vizituar këtë shtet dhe kishte mbajtur një takim me presidentin.

Zyra e kryeministrit izraelit tha më herët se Netanyahu kishte udhëtuar drejt Emirateve të Bashkuara gjatë luftës me Iranin dhe ishte takuar me presidentin Mohammed bin Zayed.

Në deklaratën e Ministrisë së Jashtme të Emirateve të Bashkuara thuhet se marrëdhëniet e këtij vendi me Izraelin “janë publike” e “jo të mbështetura në rregullime jotransparente e jozyrtare”.