Vance: SHBA përparon me kujdes në negociatat e ndërlikuara për Iranin

 Zëvendëspresidenti amerikan JD Vance deklaroi të mërkurën se SHBA-ja po bën përparim të kujdesshëm në përpjekjet diplomatike lidhur me konfliktin në Iran, duke theksuar rëndësinë e një qasjeje të koordinuar me aleatët rajonalë.

“Natyrisht, këto negociata janë jashtëzakonisht të ndërlikuara,” tha Vance gjatë takimit të parë të Task Forcës për Eliminimin e Mashtrimeve, i mbajtur në sallën Indian Treaty Room të ndërtesës Eisenhower Executive Office Building.

Vance shpjegoi se Washingtoni po përpiqet të ketë një “bisedë produktive” dhe se ai kishte marrë pjesë në një bisedë telefonike me Jared Kushner dhe Steve Wycoff, si dhe me “një numër miqsh tanë nga bota arabe këtë mëngjes.”

Ai ripërsëriti se qëllimi kryesor është të parandalohen që “një regjimi shumë i rrezikshëm të ketë akses te armët më të rrezikshme në botë.”

“Ky është qëllimi për të cilin jemi fokusuar. Sigurisht, ka shumë mënyra për ta arritur këtë qëllim,” shtoi Vance.

“Presidenti na ka udhëzuar të ndjekim rrugën diplomatike për tani, dhe ky është fokusi im,” përfundoi ai./FoxNews