Hegseth: SHBA kontrollon Ngushticën e Hormuzit, Irani e di! Ndalohet anija me flamur maltez, transportonte naftë iraniane

Sekretari amerikan I Mbrojtjes, Pete Hegseth deklaroi se Shtetet e Bashkuara kontrollojnë Ngushticën e Hormuzit, pavarësisht faktit se kalimi i anijeve ka mbetur praktikisht i bllokuar për më shumë se dy muaj lufte.

Gjatë një seance dëgjimore në Senat, sekretari amerikan i Mbrojtjes tha:

“Jemi ne që kontrollojmë ngushticën, pasi asgjë nuk hyn aty pa lejen tonë. Iran e di se nuk mund ta thyejë këtë kontroll. Dhe kjo është një arsye e madhe shqetësimi për ta.”

Anija e fundit e ndaluar në Ngushticën e Hormuzit është ajo me flamur maltez.

 “Forcat tona penguan cisternën ‘Agios Phanourios’ të kalonte nëpër Ngushticën e Hormuzit për shkelje të bllokadës”, deklaroi një zëdhënës i Komandës Qendrore e Shteteve të Bashkuara , Centcom për Al Jazeera, duke shtuar se anija nuk transportonte naftë iraniane.

Zëdhënësi shtoi se forcat amerikane kanë ndaluar edhe disa cisterna të tjera që nuk transportonin naftë iraniane, pasi sipas tij kishin shkelur embargon. Ai theksoi se bllokada e vendosur nga SHBA ndaj porteve iraniane mbetet ende në fuqi.

SHBA municione të mjaftueshme për të përfunduar misionet në Iran

Gjenerali amerikan Dan Caine, shef i Shtabit të Përgjithshëm të Forcave të Armatosura të SHBA-së, u përpoq të qetësonte shqetësimet se lufta me Iranin mund të ketë konsumuar ndjeshëm rezervat globale të municioneve amerikane.

“Kemi municione të mjaftueshme për të përfunduar misionet që na janë caktuar aktualisht”, deklaroi Caine gjatë një seance dëgjimore në Dhomën e Përfaqësuesve, duke iu referuar informacioneve të marra nga komandantët më të lartë ushtarakë amerikanë të vendosur në rajone të ndryshme të botës.

Megjithatë, konflikti ka detyruar Pentagonin të transferojë me urgjencë bomba, raketa dhe materiale të tjera ushtarake nga komandat amerikane në Azi dhe Europë drejt Lindjes së Mesme.

Sipas zyrtarëve të administratës Trump dhe Kongresit, këto lëvizje kanë ulur gatishmërinë e komandave rajonale për t’u përballur me kundërshtarë të mundshëm si Russia dhe China, ndërsa kanë detyruar SHBA-në të rrisë prodhimin ushtarak për të kompensuar pakësimin e rezervave.

Takim Iran-Oman 

Ndërkohë përfaqësues të Iranit dhe Omanit janë takuar në Muscat për të shqyrtuar zhvillimet e fundit lidhur me bllokadën e Ngushticës së Hormuzit dhe për të koordinuar masat që garantojnë kalimin e sigurt të anijeve.

Delegacioni iranian udhëhiqej nga Abbas Bagherpour, drejtor i përgjithshëm i departamentit për çështjet e së drejtës ndërkombëtare në Ministrinë e Jashtme iraniane, dhe përfshinte përfaqësues të agjencive shtetërore përkatëse, raportoi agjencia shtetërore IRNA.

Sipas agjencisë, bisedimet janë pjesë e konsultimeve të rregullta mes dy vendeve mbi situatën në rajon dhe marrëdhëniet dypalëshe.

Gjatë takimit, të dyja palët riafirmuan të drejtat sovrane dhe juridiksionin e tyre mbi Ngushticën e Hormuzit, të cilën e konsiderojnë pjesë të ujërave të tyre territoriale.

Delegacioni iranian zhvilloi gjithashtu bisedime të ndara me ministrin e Jashtëm të Omanit, Badr al-Busaidi.

Normalizimi i trafikut detar në Ngushticën e Hormuzit është një nga kushtet e vendosura nga presidenti amerikan Donald Trump për heqjen e bllokadës ndaj porteve iraniane, të cilat Uashingtoni i ka mbajtur të mbyllura për shkak të tarifave të tranzitit të vendosura nga Teherani në këtë ngushticë.