'Akt kriminal'/ Rusët paralajmërohen të mos mbledhin jargavanë në vende publike, përndryshe do të arrestohen

Jargavanet që rriten në tokat publike i përkasin bashkisë, kështu që korrja e tyre klasifikohet si dëmtim i pronës bashkiake dhe dënohet me ligj administrativ, tha sot Elena Saratseva, zëvendëskryetare e Roskachestvo, një organizatë autonome jo-komerciale.

"Ato pemë që rriten në toka publike, në pronë komunale, në sheshe dhe në parqe, janë, në fund të fundit, pronë komunale. Kjo sjell përgjegjësi administrative në formën e një gjobe ose arrestimi deri në 15 ditë, varësisht nga shkalla e dëmit", tha Saraceva, raporton RIA Novosti.

Sipas saj, nëse jargavanët mblidhen për t’u shitur, ky është një akt kriminal.

Saratseva vuri në dukje se mbledhja e jargavanëve në kopshtin e vet është e lejuar dhe se nuk ka penalitete për këtë.