Irani ka ekspozuar një rrjet të gjerë tunelesh nëntokësore, të mbushura me rreshta të tërë dronësh dhe raketash, ndërsa shtohen shqetësimet se SHBA-ja dhe aleatët e saj po konsumojnë armatime të kushtueshme në përballjen me regjimin.

Pamjet e publikuara nga Fars Neës Agency, e lidhur ngushtë me Islamic Revolutionary Guard Corps, tregojnë radhë të gjata raketash dhe dronësh Shahed.

Me tingujt e një ore që numëron mbrapsht në sfond, videoja përdor pamje dramatike me dron për të shfaqur përmasat e arsenalit të tyre me kosto të ulët.

Në një prej skenave dukej një mural gjigant, nga njëri skaj i murit në tjetrin, që paraqiste udhëheqësin suprem tashmë të ndjerë, Ali Khamenei, duke vështruar mbi arsenalin masiv të dronëve.

Në tavanin e tuneleve shiheshin të varura një seri flamujsh iranianë.

Një tjetër pamje tregonte dy kamionë që transportonin lëshues dronësh Shahed, secili i pajisur me nga katër dronë të tillë me kosto të ulët.

Dronët Shahed kushtojnë vetëm disa dhjetëra mijëra dollarë për t’u prodhuar dhe kërkojnë pak kohë për t’u fabrikuar./ Daily Mail/