Dhjetëra njerëz u evakuuan pasi një zjarr përfshiu një hotel me pesë yje në vendpushimin e skive luksoz të Courchevel në Alpet Franceze vonë të martën, thanë zyrtarët.

Mësohet se ende askush nuk është lënduar nga flakët që filluan në papafingo të Hotel des Grandes Alpes rreth orës 19:00 (18:00 GMT) të martën.

Zyrtarët thanë se rreth 300 persona u evakuuan nga hoteli mbrëmë. Stafi dhe personat që ishin akomoduar në hotel u strehuan në hotele të tjera, tha qeveria lokale, ndërsa 131 zjarrfikës janë vendosur në vendngjarje.

“Ata po punojnë në kushte shumë të vështira”, u tha gazetarëve Vanina Nicoli, prefektja e Savoie. Katër prej tyre u lënduan nga tymi, tha ajo.

“Zjarrfikësit arritën të parandalojnë përhapjen e zjarrit në ndërtesa të tjera deri më tani”, ka thënë Nicoli.