Presidenti francez, Emmanuel Macron tha se uniteti i Europës kundër kërcënimeve të Trump funksionoi.

Ai shtoi se takimi i sotëm tregoi mbështetje të Danimarkës, integritetit të saj territorial dhe sovranitetit.

“Kur Europa është e bashkuar, e fortë dhe vepron shpejt, gjërat kthehen në normalitet dhe qetësi,” shton ai.

Por thekson se Europa duhet të qëndrojë “vigjilente” dhe të vazhdojë të veprojë në “mënyrë të bashkuar,” duke treguar se ka “mjetet në dispozicion” për të “komanduar respekt” në rast kërcënimi.

Ai gjithashtu thotë se Franca është e hapur të marrë pjesë në më shumë misione të NATO-s, me gjasa në Arktik, shkruan the Guardian.

Ai përshëndeti atë që e përshkroi si një de-eskalim të tensioneve transatlantike, përpara një takimi joformal të anëtarëve të Këshillit Evropian.

Liderët e BE-së u mblodhën në Bruksel për të diskutuar zhvillimet me Uashingtonin, pas tensioneve të krijuara amerikan Donald Trump për Groenlandën, për shkak të pozicionit të saj strategjik në Arktik, burimeve të bollshme minerale dhe shqetësimeve në rritje mbi ndikimin rus dhe kinez në rajon.

Danimarka dhe Groenlanda kanë refuzuar çdo propozim për të shitur territorin, duke riafirmuar sovranitetin danez mbi ishullin.

Pas një takimi me kreun e NATO-s, Mark Rutte, të mërkurën, (21 janar) Trump tha se ishte arritur një kornizë për një marrëveshje të ardhshme për Groenlandën dhe gjithashtu tërhoqi kërcënimet për tarifa ndaj aleatëve evropianë që kishin kundërshtuar planet e tij për të marrë ishullin.

Duke folur me gazetarët, Emmanuel Macron tha se takimi kishte për qëllim të demonstronte njësi evropiane në mbështetje të integritetit territorial dhe sovranitetit të Danimarkës, duke argumentuar se një përgjigje kolektive kishte ndihmuar për të rikthyer qetësinë.

“Kur Europa vepron në mënyrë të bashkuar, duke përdorur mjetet që ka në dispozicion, kur kërcënohet, ajo mund të bëhet e respektuar,” tha ai, duke e quajtur këtë “një gjë shumë e mirë.”

“Ne presim që Franca të respektohet, Europa të respektohet, dhe sa herë që nuk ndodh kështu, ne do të flasim dhe veprojmë me qartësi,” shtoi ai.

Macron tha se Europa kishte filluar javën duke u përballur me “kërcënime pushtimi dhe kërcënime për tarifa,” duke iu referuar veprimeve amerikane, por vuri në dukje se situata që nga atëherë ishte përmirësuar.

“Gjërat janë rikthyer në qetësi dhe kjo duhet përshëndetur. Dhe mendoj se tani gjërat duhet të jenë më të qëndrueshme dhe më të parashikueshme,” tha ai.

Presidenti shtoi se Franca është e gatshme të marrë pjesë në ushtrime të udhëhequra nga NATO, riafirmoi mbështetjen e saj të plotë për Danimarkën në bisedimet e ardhshme, dhe paralajmëroi: “Ne mbetemi jashtëzakonisht vigjilentë dhe prandaj të gatshëm të përdorim mjetet tona nëse përsëri do të përballemi me kërcënime”, citon anadolu.