Presidenti i Shteteve të Bashkuara, Donald Trump, ka bërë deklarata të forta për situatën në Venezuelë, duke thënë se nën drejtimin amerikan, vendi do të përfitojë ekonomikisht shumë më tepër sesa në dy dekadat e fundit.

Trump komentoi kostot e naftës nën administratën e ish-presidentit Joe Biden, duke i cilësuar çmimet e larta si rezultat të politikave të gjelbra që sipas tij kanë ndikuar negativisht në prodhimin e energjisë. Ai shtoi se gjatë presidencës së tij, prodhimi i naftës dhe gazit është rritur ndjeshëm.

Gjatë deklaratave, Trump foli edhe për 50 milionë fuçi naftë që, sipas tij, u sekuestruan nga Venezuela dhe u dërguan në SHBA, një hap që administrata po e përdor për të ndikuar në tregun global të energjisë dhe për të sjellë përfitime financiare për vendet e përfshira. Trump tha se pasi “sulmi mbaroi, ata thanë, ‘le të bëjmë një marrëveshje’”, duke nënkuptuar përpjekjet për të shfrytëzuar burimet energjetike në bashkëpunim me Venezuelën.  

Trump gjithashtu ka korrigjuar retorikën e tij për udhëheqjen aktuale të Venezuelës. Qeveria në detyrë, e udhëhequr nga presidentja e përkohshme Delcy Rodríguez pas largimit të Nicolás Maduro, ka filluar të përfitojë nga marrëveshjet e kryera me SHBA-në, duke marrë fonde të ardhura nga shitjet e naftës në tregun ndërkombëtar. Më tej, Rodriguez ka përdorur këto fonde për të stabilizuar ekonominë e Venezuelës dhe për të mbështetur fuqizën blerëse të popullsisë.  

Trump u shpreh optimist për fuqizimin ekonomik të Venezuelës nën ndikimin amerikan, duke thënë që “Venezuela do të fitojë më shumë para në gjashtë muajt e ardhshëm sesa ka fituar në 20 vitet e fundit”, një pretendim që reflekton strategjinë e tij për të rritur të ardhurat nga sektori energjetik dhe për të përdorur këtë fitim si mjet stabilizimi ekonomik për vendin.

Rritja e rolit amerikan në Venezuelë vijon të shkaktojë reagime dhe debate ndërkombëtare, ndërsa SHBA avancojnë në kontrollin dhe menaxhimin e burimeve të energjisë të vendit, përfshirë marrëveshjet e shitjes së naftës dhe përdorimit të të ardhurave për zhvillimin ekonomik të Venezuelës