'Tragjedia në Spanjë'/ Shkon në 40 numri i të vdekurve nga përplasja e dy trenave me shpejtësi të lartë

Hetimet për shkaqet e përplasjes vdekjeprurëse midis dy trenave me shpejtësi të lartë pranë zonës Adamas në Spanjë janë intensifikuar, pasi ekspertët kanë gjetur një pjesë të thyer të binarëve në vendngjarje. Autoritetet spanjolle konfirmuan se numri i viktimave ka shkuar në 40 të vdekur, ndërsa 41 persona ndodhen të shtruar në spital dhe dhjetëra të tjerë rezultojnë të plagosur ose të zhdukur. Ngjarja konsiderohet një nga aksidentet më të rënda hekurudhore në Spanjë gjatë më shumë se një dekade.

Aksidenti ndodhi të dielën vonë në mbrëmje, kur një tren privat me shpejtësi të lartë i kompanisë Iryo, që udhëtonte nga Malaga drejt Madridit, doli nga shinat dhe u përplas me një tren shtetëror të Renfe, i cili po udhëtonte nga Madridi drejt Huelvës.

Si pasojë e përplasjes së fortë, vagonët e përparmë të trenit të dytë përfunduan në një shpat pranë linjës hekurudhore.

Pasagjerët që i mbijetuan aksidentit përshkruan skena kaosi dhe paniku. Një pasagjere deklaroi se treni “u anua fort nga njëra anë” përpara se “gjithçka të errësohej dhe të dëgjoheshin vetëm britma”.

Një tjetër pasagjere, me fytyrë të fashuar, tregoi se u nxor nga vagoni përmes një dritareje të thyer, e mbuluar në gjak, me ndihmën e pasagjerëve të tjerë, ndërsa motra e saj u shpëtua nga zjarrfikësit.

🔴 DIRECTO Adamuz | Los bomberos cortan el cristal para acceder a la cabina del tren Iryo accidentado en Córdoba https://t.co/UbOTMTbkF2 https://t.co/kDcbtKBRtM pic.twitter.com/LHuwXs9UPv

— EL PAÍS (@el_pais) January 19, 2026

Një banor lokal që mbërriti i pari në vendngjarje foli për “pamje vdekjeje dhe shkatërrimi”, duke thënë se me një mjet me katër rrota ndihmoi në transportimin e rreth 16 të plagosurve drejt pikave të ndihmës së shpejtë.

Ministri i Transportit, Oscar Puente, deklaroi se pjesa e thyer e hekurudhës e gjetur në vendngjarje “mund të jetë ose shkaku, ose pasojë e aksidentit”, duke theksuar se është ende herët për përfundime përfundimtare.

Ai shtoi se aksidenti ishte “jashtëzakonisht i pazakontë”, pasi ndodhi në një segment të drejtë të linjës, i cili ishte rinovuar së fundmi në kuadër të një investimi prej 700 milionë eurosh, dhe ku trenat po udhëtonin nën kufirin e lejuar të shpejtësisë.

Todos hemos sumado esfuerzos en esta tragedia y vamos a seguir actuando con lealtad institucional. Es lo que esperan los ciudadanos y es nuestra responsabilidad política y moral.

La visión de Estado es fundamental en situaciones dramáticas como la que estamos viviendo en Adamuz. pic.twitter.com/JVYffePZcJ

— Juanma Moreno (@JuanMa_Moreno) January 19, 2026

Nga vendi i ngjarjes, kryeministri spanjoll Pedro Sánchez u zotua se qeveria do të zbardhë të vërtetën “me transparencë të plotë” dhe se publiku do të informohet në çdo fazë të hetimit.

Ai shpalli tre ditë zie kombëtare, anuloi pjesëmarrjen në Forumin Ekonomik Botëror në Davos dhe siguroi se shteti do të mbështesë viktimat dhe familjet e tyre “për aq kohë sa të jetë e nevojshme”.

Sipas Ministrisë së Transportit, linja e shpejtësisë së lartë e përfshirë në aksident nuk pritet të rikthehet plotësisht në funksion para muajit të ardhshëm, për shkak të hetimeve dhe punimeve të restaurimit.