Personeli ushtarak amerikan dhe sirian u plagos kur një sulmues i paidentifikuar hapi zjarr ndaj patrullës së tyre në qytetin qendror sirian të Palmyrës, raportoi të shtunën agjencia shtetërore e lajmeve siriane SANA.

Agjencia SANA citoi një burim sigurie të thoshte se dy anëtarë të forcave siriane u plagosën dhe sulmuesi u vra, pa dhënë detaje të mëtejshme.

Burimi tha se helikopterët amerikanë evakuuan të plagosurit, në një bazë amerikane në rajonin Al-Tanf të Sirisë, pranë kufirit me Irakun.

Më parë, dy zyrtarë vendas sirianë i thanë Reuters se një konvoj i forcave ushtarake siriane dhe forcave amerikane nga koalicioni i udhëhequr nga amerikanët, që lufton Shtetin Islamik u sulmua të shtunën ndërsa ishte në patrullim në Palmyra.

Zyrtarët thanë se pati viktima. Nuk pati asnjë koment të menjëhershëm nga Pentagoni.

SHBA-të kanë trupa të stacionuara në verilindje të Sirisë, si pjesë e një përpjekjeje dhjetëvjeçare për të ndihmuar një forcë të udhëhequr nga kurdët atje, të luftojë Shtetin Islamik./ Reuters.