Trump i pandikuar nga 'etiketimet', ja përgjigjia e qetë ndaj Mamdanit pasi guxoi ta quaj 'fashist'

Në një moment që tërhoqi vëmendjen e mediave, presidenti Donald Trump reagoi me humor dhe vetëkontroll ndaj komenteve të mëparshme të kryebashkiakut të zgjedhur të Nju Jorkut, Zohran Mamdani, i cili e kishte quajtur atë “fashist”.

Gjatë një konference shtypi, një gazetar e pyeti Mamdanin nëse ai qëndron ende pas kësaj deklarate. Para se Mamdani të përgjigjej, Trump buzëqeshi, e preku lehtë në krah dhe i tha: “Mund të thuash thjesht po-është më e lehtë.” Gjest që u interpretua gjerësisht si një shfaqje e sigurisë dhe gatishmërisë së presidentit për të mos u marrë me retorikën negative.

Mamdani u përgjigj shkurt: “Në rregull, po,” ndërsa Trump vazhdoi të ruante një ton të qetë dhe të çliruar, gjë që u vlerësua nga analistët si një shembull i aftësisë së tij për të menaxhuar kritikat pa tension.

Ndërkohë, kryebashkiaku i zgjedhur u shpreh se nuk ishte i shqetësuar nga votimi i sotëm i Dhomës së Përfaqësuesve, i cili denonconte “tmerret e socializmit”- një rezolutë që u mbështet me shumicë dërrmuese. Si një socialist demokrat i vetëshpallur, Mamdani tha se fokusi i tij mbetet tek politika e përditshme në qytet.

“E di që mund të ketë dallime ideologjike,” tha ai, “por vendi i marrëveshjes është puna për ta bërë qytetin të përballueshëm.”

Reagimi i Trumpit ndaj kritikave dhe mënyra se si u përball me deklaratat e Mamdanit u shfaqën sot si elementet më qetësuese dhe më pozitive të konferencës, duke sinjalizuar një qasje më të hapur dhe më të moderuar të presidentit në raport me administratën e ardhshme të qytetit.