Një grua humbi jetën pas një zjarri të shkaktuar nga fqinji i saj që po përpiqej të digjte një buburrec. Ngjarja e rëndë ndodhi në orët e para të së hënës në një ndërtesë pesëkatëshe në qytetin Osan, rreth 35 kilometra në jug të Seulit.

Një banor i një apartamenti përdori sprej të ndezshëm dhe një çakmak për të djegur insektin, por flakët u përhapën menjëherë, duke djegur shtratin dhe grumbuj mbeturinash brenda shtëpisë së saj. Zjarri u përhap shpejt në të gjithë ndërtesën.

Një çift jetonte në ndërtese me foshnjën e tyre dymuajshe nga paniku kërceu nga një dritare. Burri arriti të dilte vetë, por gruaja e tij ra në boshllëk ndërsa përpiqej të hidhej në ballkonin përballë. Gruaja u dërgua me urgjencë në spital, ku ndërroi jetë nga plagët e saj pesë orë më vonë.

Gjithsej tetë persona pësuan probleme me frymëmarrjen nga thithja e tymit, ndërsa zjarri u vu nën kontroll brenda 40 minutash. Foshnja u shpëtua pa lëndime. Policia tha se personi që e vuri zjarrin mund të përballet me akuza për vrasje të paqëllimshme.

Departamentet lokale të zjarrfikësve i kanë paralajmëruar njerëzit të mos përdorin sprej ose flakë të ndezshme për të vrarë insektet, pasi kjo praktikë është bërë një trend i rrezikshëm në mediat sociale.