Avionë ushtarakë rusë kanë kryer një fluturim të planifikuar mbi ujërat neutrale në Evropën veriore, sipas mediave lokale.

Agjencia shtetërore ruse e lajmeve RIA, duke cituar ministrinë e Mbrojtjes së vendit, raportoi se bombarduesit rusë me rreze të gjatë veprimi Tu-22M3, patrulluan mbi Detin Baltik, i cili ka vija bregdetare me anëtarë të NATO-s, përfshirë Gjermaninë, Suedinë dhe Poloninë.

Avionë luftarakë nga ‘vende të huaja’ shoqëruan bombarduesit në faza të ndryshme të fluturimit, u citua të thoshte Ministria.

Kjo lëvizje vjen pasi Marina Mbretërore tha se një nga shkatërruesit e saj ka kapur dhe monitoruar një anije luftarake ruse ndërsa ajo lundronte nëpër ujërat e Mbretërisë së Bashkuar në Detin e Veriut dhe Kanalin Anglez.