Mijëra njerëz shpërthyen në duartrokitje të martën, 21 tetor, teksa Avinatan Or, 30 vjeç, doli me buzëqeshje nga furgoni që e çoi nga spitali në shtëpinë e prindërve të tij në një nga vendbanimet izraelite në Bregun Perëndimor.
Or u lirua javën e kaluar së bashku me 19 të tjerë, si pjesë e marrëveshjes së armëpushimit që hyri në fuqi më 10 tetor në Gaza, me ndërmjetësimin e SHBA-ve.
Teksa një tjetër peng që ka mbijetuar, Argamani, ishte shpëtuar në qershor 2024 gjatë një operacioni ushtarak në qendër të Gazës, Or u lirua vetëm më 14 tetor 2025 si pjesë e marrëveshjes së fundit.
Në një zhvillim paralel, ushtria izraelite njoftoi sot se Kryqi i Kuq ishte nisur drejt një pike takimi në jug të Gazës për të marrë trupat e disa pengjeve të pajeta.
Siç njofton ushtria izraelite, “Kryqi i Kuq është rrugës drejt pikës së takimit në jug të Gazës, ku do t’i dorëzohen disa arkivole me të vrarë”.
Deri më tani, krahu i armatosur i Hamasit ka njoftuar se do të kthejë trupat e dy të tjerëve si pjesë e marrëveshjes së armëpushimit.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Pavarësisht armëpushimit, Izraeli nis një valë sulmesh të reja, vriten pesë persona
Presidenti polak i heq Zelenskyt nderin më të lartë në debatin mbi njësinë e Luftës II Botërore
Aksident hekurudhor në Mynih – një i plagosur rëndë pasi del nga shinat treni i mallrave