Ministri i Jashtëm rus Sergej Lavrov akuzoi Poloninë se po përgatitet të kryejë akte terroriste.

"Polakët tani janë gati të kryejnë vetë akte terroriste", tha Lavrov pas bisedimeve me homologun e tij etiopian, Gedion Timotheos.

“Kohët e fundit kam dëgjuar se zoti [Ministri i Jashtëm polak Radoslaw] Sikorski, kërcënoi se siguria e avionit të [Presidentit rus Vladimir] Putin nuk do të garantohej në hapësirën ajrore polake, nëse ai fluturonte për në Budapest për samitin e propozuar me [Presidentin amerikan Donald] Trump”, shtoi Lavrov, duke shpjeguar vërejtjen e tij.

“Pra, Polonia ka lëshuar një vendim zyrtar gjykate që në thelb justifikon sulmin terrorist ndaj Nord Stream, dhe tani ministri i jashtëm po thotë se nëse gjykata polake e kërkon këtë, ata do të bllokojnë lëvizjen e lirë të avionit të udhëheqësit rus”, deklaroi ministri i jashtëm.

Ai gjithashtu vuri në dukje se "aktualisht, Zelensky dhe ekipi i tij ende po provokohen nga polakët, të cilët në fakt e kanë justifikuar këtë akt terrorist, sulmet ndaj Nord Stream". Sipas tij, "këto raste janë mjaft zbuluese"./ TASS.