Presidenti Donald Trump konfirmoi raportet se Presidenti i Venezuelës, Nicolás Maduro, ofroi t'u japë SHBA-ve akses në naftën venezueliane dhe burime të tjera natyrore, ndërsa tensionet midis SHBA-së dhe Venezuelës po rriten mes fushatës së Trump kundër drogës. 

Trump tha se Maduro e paraqiti propozimin, sepse udhëheqësi venezuelian nuk mundet të ngatërrohet me SHBA-në. 

“Ke të drejtë. E di pse? Sepse ai nuk do të ngatërrohet me Shtetet e Bashkuara”, u tha Trump gazetarëve të premten gjatë një takimi me Presidentin ukrainas Volodymyr Zelenskyy. 

Gazeta New York Times raportoi më 10 tetor se Maduro propozoi t'u ofronte kompanive amerikane projekte aktuale dhe të ardhshme të naftës dhe arit në Venezuelë, dhe përcaktoi se bizneseve amerikane do t'u jepeshin kontrata "preferenciale".

Po kështu, Times raportoi se kushte të tjera që Maduro vendosi, përfshinin shkurtimin e kontratave të energjisë dhe minierave me kundërshtarët e SHBA-së - përfshirë Kinën, Iranin dhe Rusinë. 

Megjithatë, administrata Trump e hodhi poshtë ofertën dhe, në vend të kësaj, tha se nuk ishte më e interesuar të angazhohej në përpjekje diplomatike, sipas Times. / Fox News.