Presidenti rus, Vladimir Putin e bëri shumë të qartë se si Moska do t'i përgjigjej furnizimeve të mundshme të raketave Tomahawk të prodhuara në SHBA, për Kievin, në një sesion të Klubit Valdai, tha zëdhënësi i Kremlinit Dmitry Peskov në një konferencë për shtyp.

"Sa i përket qëndrimit të Moskës, Presidenti Putin e shprehu atë mjaft qartë në takimin e fundit të Klubit të Diskutimit Valdai. Gjithçka ishte e qartë atje", vuri në dukje ai.

Presidenti rus Vladimir Putin theksoi në seancën plenare të Klubit Ndërkombëtar të Diskutimit Valdai më 2 tetor se ishte e pamundur të përdoreshin raketat Tomahawk, pa përfshirjen e drejtpërdrejtë të trupave amerikane, "gjë që do të thoshte një fazë krejtësisht të re, cilësisht të ndryshme të përshkallëzimit, përfshirë edhe midis Rusisë dhe Shteteve të Bashkuara".

Putin theksoi më 5 tetor se vendimi i mundshëm i Uashingtonit për të dërguar raketa Tomahawk në Kiev, do të minonte trendet pozitive në marrëdhëniet Rusi-SHBA./ TASS.