Një aventurë e pabesueshme me një fund të lumtur po trondit Kinën, pasi një grua u shpëtua pas 54 orësh bllokimi në një pus të braktisur.

48-vjeçarja, me mbiemrin Qin, ndodhej në një zonë pyjore të qytetit Quanzhou në provincën Fujian më 13 shtator kur papritmas ra në fund të një pusi të vjetër.

Ndërtimi i tij i veçantë – një hyrje e ngushtë dhe një bazë më e gjerë – e bllokuan atë, duke e lënë pa asnjë mënyrë për të dalë vetë.

Pavarësisht tronditjes, Qin arriti të mbijetonte duke përdorur aftësitë e saj të notit. Ajo gjeti një shkëmb guri brenda dhe u mbështet aty, ndërsa më pas shkëputi me mundim tre gurë të tjerë, duke krijuar mbështetëse të ashpra.

Kështu, ajo kaloi më shumë shumë orë e ngjitur në mur, në errësirë, duke duruar pickimet e mushkonjave dhe praninë e gjarpërinjve të ujit, njëri prej të cilëve madje e kafshoi pa pasoja serioze. Familja e saj e raportoi të zhdukur më 14 shtator.

Dy ditë më vonë, një ekip prej dhjetë shpëtimtarësh dëgjoi rënkimet e saj të dobëta me një kamerë termike dhe më 15 shtator, rreth orës 13:45, operacioni përfundoi me sukses, siç raportoi South China Morning Post.

Gruaja u dërgua menjëherë në spital, ku iu gjetën dy brinjë të thyera, një dëmtim i lehtë në mushkëri dhe plagë të gjera në duar. Mjekët vlerësojnë se ajo do të shërohet plotësisht.