Një ngjarje e pazakontë ka ndodhur gjatë një fluturimin Londër-Luton dhe Alicante, në jug të Spanjës. Një shtetas britanik u përpoq të hapte dyert e një aeroplani të mbushur plot me njerëz, ndërsa ai ishte në mes të fluturimit. I akuzuari emri i të cilit ende nuk është bërë i ditur ndodhet në paraburgim. Ai rrezikon deri më pesë vite burg, pasi dyshohet se është udhëheqësi i një grupi burrash të dehur, të cilët prishën qetësin gjatë fluturimit. Avioni u detyrua të bënte një ulje emergjente në Francë pasi burri i kërcënoi.

“Ai ishte pranë një dere emergjence dhe po përpiqej ta hapte atë. Ishte tmerruese për të gjithë të tjerët në fluturim. Piloti nuk kishte zgjidhje tjetër përveçse të ulte aeroplanin.” thanë disa burime.

Ekuipazhi i kabinës dhe pasagjerët e tjerë ishin përpjekur ta qetësonin grupin, ndërsa disa prindër kërkuan që të mos bërtisnin rreth fëmijëve në bord. Por kjo nuk e ndaloi kaosin në rritje. Pas disa shqetësimeve të tjera, piloti njoftoi një ulje të paplanifikuar në Tuluzë të Francës.

 “Ai ishte shumë i dehur dhe u dërgua në një qeli të Policisë Kufitare për t’u kthjelluar. Niveli i alkoolit në gjak ishte aq i lartë saqë kaluan disa orë para se të mund të flitej me të.” thanë burimet hetuese.

Rreth katër nga miqtë e tij u nxorën nga fluturimi në të njëjtën kohë dhe u arrestuan. I akuzuari kryesor tani është në qendër të një hetimi gjyqësor dhe përballet me gjyq dhe një dënim deri në pesë vjet burg. Ndërkohë, komandanti i CGTA-së Ludovic Fornari vlerësoi profesionalizmin e ekipit të tij dhe njësive të tjera franceze që bashkëpunuan me ne.

Daily Mail raportoi se ndërsa fluturimi u nis, burrat filluan menjëherë të pinin pije alkoolike dhe të angazhoheshin në biseda me zë të lartë dhe të papërshtatshme, të gjitha brenda rrezes së dëgjimit të fëmijëve të vegjël të ulur aty pranë.

"Në një moment, dy anëtarë të grupit dukeshin se ishin në një grindje të nxehtë. Ata po shtynin dukshëm, duke u përplasur me kokat, dhe këmisha e një burri ishte grisur ndërsa të tjerët përpiqeshin t'i ndanin", tha një pasagjere.

Në nje reagim te saj, Kompania tha se: 

"Ky fluturim nga Londra Luton në Alicante (26 shtator) u devijua në Toulouse pas një grupi të vogël pasagjerësh që u bënë të dhunshëm në bord. Stafi i ekuipazhit kërkoi ndihmë policie, e cila i priti pas mbërritjes në Aeroportin e Toulouse dhe nxorri këta pasagjerë, para se fluturimi të vazhdonte për në Alicante.

Ryanair ka një politikë të rreptë zero tolerancë ndaj sjelljeve të papranueshme të pasagjerëve dhe do të vazhdojë të ndërmarrë masa të vendosura për të luftuar sjelljen e pasagjerëve të shqetësuar, duke siguruar që të gjithë pasagjerët dhe ekuipazhi të udhëtojnë në një mjedis të respektueshëm dhe pa stres, pa ndodhur shqetësime të panevojshme.

Ky është tani një çështje për policinë lokale."