Presidenti amerikan, Donald Trump thotë se autoritetet kanë gjetur vrasësin e Charlie Kirk, duke i thënë Fox News se: "Me një shkallë të lartë sigurie, e kemi në paraburgim".

Trump tha se shpreson që i dyshuari të marrë dënimin me vdekje nëse shpallet fajtor.

Ai shpjegoi gjithashtu se si hetuesit e gjetën të dyshuarin - me ndihmën e një ministri, një anëtari të Shërbimit të Marshallëve të SHBA-së dhe babait të të dyshuarit.

"Dikush shumë afër tij e dorëzoi" – shtoi presidenti Trump, ndërsa pret që zyrtarët të japin një përditësim më vonë sot.

"Ne kemi personin që mendojmë se është personi që po kërkojmë, por ata hynë me makinë në selinë e policisë dhe ai është atje tani", tha Trump.

Katër burime të njohura me çështjen i thanë gjithashtu CNN, se një person është në paraburgim dhe po merret në pyetje në lidhje me të shtënat fatale.

Zyrtarët shtetërorë dhe federalë do të mbajnë një konferencë për shtyp në orën 9 të mëngjesit sipas orës lokale të SHBA këtë mëngjes.

Komentet e Trump erdhën pasi një video e re që tregon të dyshuarin, duke ikur nga vendngjarja pasi u publikua nga zyrtarët e FBI-së dhe Utah-ut.

Lexo edhe: FBI publikon videon e vrasësit të Charlie Kirk – Ja si u largua atentatori

Policia publikoi gjithashtu imazhe të veshur me një bluzë të zezë me një flamur amerikan dhe këpucë Converse.

Autoritetet kishin kërkuar ndihmën e publikut dhe kishin ofruar një shpërblim deri në 100,000 dollarë për çdo informacion që çon në identifikimin dhe arrestimin e autorit të sulmit. Zyrtarët do të kërkojnë dënimin me vdekje sapo të gjendet i dyshuari, tha guvernatori i Utah-ut.