Charlie Kirk, një aktivist i krahut të djathtë dhe aleat i ngushtë i presidentit amerikan Donald Trump, u vra me armë në një sulm të synuar në Universitetin e Luginës së Utah-it.
Elon Musk, ish-aleat i Trump, reagoi ndaj ngjarjes duke e quajtur atë një “vrasje gjakftohtë”.
Musk shprehu tronditjen dhe dhimbjen në një seri postimesh në X.
Disa përdorues të X vunë në dukje se postimet në Bluesky “po e festonin atentatin”. CEO i Teslës reagoi duke thënë: “Tregon me çfarë kemi të bëjmë. Njerëz të ligj”.
Kur një përdorues shkroi: “Pavarësisht nëse pajtoheshe me të apo jo, Charlie Kirk është i vdekur vetëm sepse disa njerëz nuk e pëlqenin atë që ai kishte për të thënë. Kjo duhet të na revoltojë të gjithëve”, Musk u përgjigj me një “po” pohuese.
“Ata po festojnë një vrasje gjakftohtë”, shkroi ai në një postim tjetër.
Në një tjetër postim në X, Elon Musk akuzoi partinë e majtë duke thënë: “E majta është partia e vrasjes”.
Ai po i përgjigjej një përdoruesi që shkroi: “E majta na ka mbajtur leksione për një dekadë të tërë mbi rrezikun e dhunës nga e djathta. Nga tentativat për atentat ndaj presidentit Trump, tek Brian Thompson, CEO i United Healthcare, që u vra. Tani tek Charlie Kirk. Rreziku në fakt ishte nga e majta”.
Kur një përdorues tjetër tha: “Jo vetëm ‘e majta’, por janë edhe ata që i financojnë ata. Si Soros, Bill Gates dhe Reid Hoffman. Një boomer i manipuluar nga propaganda nuk është personi që ndokush me mend e konsideron përgjegjës për sot. Ky është fakt”, Musk iu përgjigj: “Pikërisht”.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Ministri izraelit Ben-Gvir anulon udhëtimin në SHBA për shkak të vështirësive me vizën
Parlamenti suedez miraton masa më të rrepta kundër emigracionit
Çfarë është 'autonomia strategjike' dhe pse të gjithë po flasin papritur për të?