Presidenti amerikan Donald Trump deklaroi të hënën se ushtria e SHBA-së është gati të ndërhyjë në çdo shtet amerikan brenda më pak se 24 orësh, nëse do të jetë e nevojshme për të ndalur kriminalitetin në rritje.
Deklarata u bë në përgjigje të një pyetjeje mbi mundësinë e një vendosjeje ushtarake në qytetin e Çikagos. Trump nuk përjashtoi një ndërhyrje edhe pa kërkesën e guvernatorit lokal.
“Mund të veprojmë kudo me një paralajmërim më të shkurtër se 24 orë,” tha ai. “Mund ta bëjmë edhe pa kërkesë, do të shohim si do zhvillohen gjërat. Në Illinois nuk do të veprojmë pa një kërkesë zyrtare, për momentin. Sa për Çikagon, ndoshta do të presim, ndoshta jo.”
Trump reagon për bombardimin në një spital në Gaza: “Nuk jam i kënaqur. Nuk dua ta shoh këtë më”
I pyetur për sulmin izraelit ndaj një spitali në Gaza, ku humbën jetën të paktën 20 persona, përfshirë pesë gazetarë, Trump u shpreh se nuk ishte informuar paraprakisht për ngjarjen, por reagoi me shqetësim.
“Nuk jam i kënaqur për këtë. Nuk dua ta shoh më. Por njëkohësisht, duhet t’i japim fund këtij makthi,” deklaroi Trump për gazetarët në Shtëpinë e Bardhë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Irani: Heqja e sanksioneve do të jetë një përparësi gjatë bisedimeve me SHBA pas nënshkrimit të marrëveshjes
Trump kërcënon Francën me tarifa 100% për verën dhe shampanjën nëse nuk heq taksën dixhitale
Pronarët e kafshëve shtëpiake shpenzojnë shumë për kopshte për të përkëdhelur këlyshët e qenve