Shtabi i Përgjithshëm i Forcave të Armatosura të Iranit ka lëshuar një paralajmërim për SHBA-në dhe regjimin izraelit, duke deklaruar se çdo akt i mëtejshëm agresioni do të provokonte një përgjigje më të fortë dhe më vendimtare sesa gjatë luftës së mëparshme të imponuar 12-ditore.

Në një deklaratë të lëshuar të shtunën, Shtabi i Përgjithshëm shënoi përvjetorin e lirimit të të burgosurve iranianë të luftës nga Iraku në vitet 1990.

Gjithashtu, ajo i paralajmëroi fuqimisht SHBA-në, të cilën e cilëson si kriminale dhe shtypëse, si dhe regjimin izraelit, që të ndërpresin komplotet e tyre kundër kombit të qëndrueshëm iranian.

Deklarata theksoi se Irani ka dëshmuar se asnjë fuqi e huaj, nuk mund të imponojë vullnetin e saj përmes forcës ose kërcënimeve.

Gjithashtu kritikoi SHBA-në dhe regjimin izraelit për dështimin për të mësuar nga mësimet e së kaluarës dhe për nisjen e një lufte agresioni kundër Iranit në qershor, duke deklaruar se veprimet e tyre përfunduan në një dështim poshtërues dhe të trishtueshëm.

Shtabi i Përgjithshëm paralajmëroi se çdo gabim i mëtejshëm në llogaritje ose akt armiqësor, do të përballet me "surpriza të reja" nga Irani dhe do të shkaktojë masa shumë më shkatërruese.

Ai theksoi se faktorët që më parë çuan në përmbajtjen dhe operacionet e kufizuara të Iranit gjatë luftës 12-ditore, nuk do të vlejnë më./ IRNA.