Presidenti i SHBA-së, Donald Trump, deklaroi të martën se prioriteti i tij në lidhje me situatën në Gaza është shpërndarja e ndihmës ushqimore, ndërsa çdo vendim për ripushtimin e mundshëm të territorit do të mbetet në duart e Izraelit.
“Jam i përqendruar që t’u sigurojmë ushqim njerëzve në Gaza,” tha Trump gjatë një konference për shtyp, duke shtuar se banorët atje “padyshim nuk po ia dalin shumë mirë me ushqimin”. Ai nënvizoi se Izraeli po ndihmon në këtë proces “si në shpërndarje, ashtu edhe në aspektin financiar”.
I pyetur nëse mbështet një ripushtim të plotë të Gazës nga ushtria izraelite, Trump u përgjigj: “Nuk mund të them me siguri… kjo do të varet kryesisht nga Izraeli.”
Deklaratat vijnë në një moment të tensionuar në Lindjen e Mesme, ndërsa përpjekjet ndërkombëtare për ndihmë humanitare vazhdojnë në sfondin e luftimeve të ashpra.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
OBSH paralajmëron Europën: Kriza e të nxehtit po merr mijëra jetë
Tetë të arrestuar gjatë marshimit kundër emigracionit në Liverpool
Mbreti i Spanjës i del në ndihmë Papa Leos pas prishjes së aeroplanit me të cilin planifikohej të fluturonte