‘Do të shkatërrohej brenda një ore’/ Shefi i Hezbollahut kërcënon drejtpërdrejt Izraelin

Shefi i i Hezbollahut, Sheikh Naim Qassem, ka kërcënuar hapur Izraelin, duke thënë se rezistenca në Liban është e mirë, e fortë dhe e gatshme të luftojë për sovranitetin dhe pavarësinë e Libanit, duke hedhur poshtë të gjitha presionet për të dorëzuar armët.

Duke folur në një fjalim televiziv të martën, tha se propozimi i të dërguarit të SHBA-së, Tom Barrack, i shërben 'Izraelit' dhe kundërshton nevojën e Libanit për mbrojtje, sipas udhëheqësit të Hezbollahut.

Sipas tij, rezistenca nuk e ka shkelur kurrë marrëveshjen e armëpushimit midis entitetit sionist dhe qeverisë libaneze.

"SHBA-të duan të parandalojnë ushtrinë libaneze nga blerja e armëve, që mund të ndikojnë në Izrael", shtoi shefi i Hezbollahut.

"Kush e mbron Libanin nëse Hezbollahu heq dorë nga armët?" tha ai, duke shtuar se "autoritetet izraelite deklaruan hapur se agresioni nuk do të ndalet, sapo rezistenca të heqë dorë nga armët", tha ai më tej. 

"Është në interesin e Izraelit të mos shkojë drejt një lufte në shkallë të plotë, sepse rezistenca, ushtria dhe populli libanez do të mbrohen dhe raketat do të godasin regjimin sionist. Prandaj, siguria që sionistët kanë krijuar për veten e tyre gjatë 8 muajve të fundit do të shkatërrohet brenda një ore", vazhdoi Sheikh Qassem. 

Udhëheqësi i Hezbollahut tha gjithashtu se "Edhe nëse i dorëzojmë armët tona, agresioni izraelit nuk do të ndalet"./ MNA.