Ditën e sotme në Francë u anuluan mbi 16 nisje trenash të Eurostar-it, ndërsa trafiku hekurudhor u ndërpre për shkak të një problemi në sistemin e furnizimit me energji elektrike, duke shkaktuar vonesa deri në 1 orë e 50 minuta.
Sipas kompanisë SNCF Réseau, e cila njoftoi për Agjencinë Franceze të Lajmeve, problemi lidhet me ‘linjën ajrore të kontaktit’ dhe ekipet janë në terren për të identifikuar dhe riparuar defektin.
Ngjarja ndodhi në zonën mes Moussy dhe Longueil, në veri të Francës.
Të paktën 16 trena Eurostar me linja Paris-Londër, Bruksel-Amsterdam janë anuluar deri në orën 19:00 (me atë lokale). Po ashtu, dy trena në linjën Paris-Bruksel dhe Bruksel-Paris, që u nisën mëngjesin e sotëm, janë kthyer në stacionet e tyre fillestare.
Kompanitë hekurudhore kanë vendosur rrugë alternative për pasagjerët e prekur.
Derisa në mesditë nuk kishte një parashikim për kohëzgjatjen e ndërprerjes, autoritetet vazhdojnë punën për zgjidhjen e situatës. Syri.net-CNN.gr
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
OBSH paralajmëron Europën: Kriza e të nxehtit po merr mijëra jetë
Tetë të arrestuar gjatë marshimit kundër emigracionit në Liverpool
Mbreti i Spanjës i del në ndihmë Papa Leos pas prishjes së aeroplanit me të cilin planifikohej të fluturonte