Skandali i errët në Kenia: ‘Madamet’ që shfrytëzojnë vajzat e mitura në tregun e prostitucionit

Një investigim i BBC ka nxjerrë në dritë rolin e disa grave, të njohura si “madame”, që përfshijnë vajza të mitura në tregun e prostitucionit në qytetin Maai Mahiu, Kenia. Ky qytet është një nyje e rëndësishme transporti dhe njihet për problemet e prostitucionit dhe abuzimit të fëmijëve. (Klikoni këku për origjinal, shoqëruar edhe me video)

Dy hetues nën mbulesë u prezantuan si punonjëse seksi për të zbuluar sesi funksionon ky sistem. Ata filmuan në mënyrë sekrete gra që e pranuan se dinin se veprimet e tyre ishin të paligjshme, por që gjithsesi përfshinin vajza të mitura.

BBC ka dorëzuar provat në polici, por nuk ka pasur ende arrestime. Në Kenia, dënimet për raste të tilla janë të rralla për shkak të vështirësive në sigurimin e dëshmive nga viktimat.

Vajzat e përfshira në këtë treg kanë rrëfyer për presion dhe rreziqe të mëdha, përfshirë mungesën e mbrojtjes gjatë marrëdhënieve seksuale, që rrit rrezikun për sëmundje.

Një ish-punonjëse seksi ofron strehë dhe ndihmë për vajzat që kanë ikur nga situata të vështira, duke u ofruar mundësi për të mësuar aftësi të reja dhe për t’u rikthyer në një jetë më të sigurt.

Megjithatë, programet e ndihmës janë në rrezik për shkak të mungesës së fondeve, duke e bërë të vështirë mbështetjen e këtyre vajzave në nevojë./BBC - Syri.Net