Presidenti ukrainas Volodymyr Zelensky sapo ka konfirmuar se ka nënshkruar reformën antikorrupsion, duke falënderuar parlamentarët për miratimin e projektligjit.

“Kjo garanton punën normale dhe të pavarur të organeve antikorrupsion dhe të të gjitha agjencive ligjzbatuese në vendin tonë. Është vendimi i duhur”, tha ai.

Ai gjithashtu pranon se “është shumë e rëndësishme që shteti të dëgjojë opinionin publik”, duke pranuar protestat e fundit.

“ Ukraina është një demokraci – nuk ka dyshim për këtë. Zyrtarët qeveritarë do t’i informojnë menjëherë partnerët e Ukrainës për këtë ligj”, tha ai.

I want to thank all members of parliament for passing my bill – now officially a law, as I have just signed the document. The text will be published immediately.

This is a guarantee of the proper independent functioning of Ukraine’s anti-corruption bodies and all law enforcement… pic.twitter.com/83SgkcoEPH

— Volodymyr Zelenskyy / Володимир Зеленський (@ZelenskyyUa) July 31, 2025

'Dua të falënderoj të gjithë anëtarët e parlamentit për miratimin e projektligjit tim - tani zyrtarisht një ligj, pasi sapo e kam nënshkruar dokumentin. Teksti do të publikohet menjëherë. Kjo është një garanci për funksionimin e duhur dhe të pavarur të organeve antikorrupsion të Ukrainës dhe të të gjitha agjencive të zbatimit të ligjit. Kjo siguron mungesën e çdo ndikimi ose ndërhyrjeje të jashtme, duke përfshirë edhe kontrollet e rregullta me poligraf për të gjithë personelin e zbatimit të ligjit që ka qasje në sekretet shtetërore ose ka të afërm në Rusi. Ky është vendimi i duhur. Është shumë e rëndësishme që shteti të dëgjojë opinionin publik. Që të dëgjojë qytetarët e saj. Ukraina është një demokraci - pa dyshim', thuhet në mesazhin e presidentit ukrainas.

Ndërkohë udhëheqësit e BE-së mirëpritën reformën ligjore anti-korrupsion në Ukrainë.

Nga Brukseli, presidentja e Komisionit Evropian, Ursula von der Leyen, përshëndeti miratimin e përshpejtuar të ligjit të ri ukrainas më herët gjatë ditës së sotme.

Në një postim në rrjetet sociale, ajo tha se “ nënshkrimi i presidentit Zelenskyy në ligjin që rivendos pavarësinë e Nabu dhe Sapo është një hap i mirëpritur”.

“ Reformat e sundimit të ligjit dhe anti-korrupsionit në Ukrainë duhet të vazhdojnë. Ato mbeten thelbësore për përparimin e Ukrainës në rrugën evropiane. BE-ja do të vazhdojë t'i mbështesë këto përpjekje”, tha ajo.

President @ZelenskyyUa's signature on the law restoring NABU & SAPO independence is a welcome step.

Ukraine’s rule of law and anti-corruption reforms should continue. They remain essential for Ukraine’s progress on the European path.

The EU will continue to support these…

— Ursula von der Leyen (@vonderleyen) July 31, 2025

Presidenti i Këshillit Evropian, António Costa, publikoi gjithashtu të njëjtin tekst./ The Guardian.