Një djalë njëvjeçar në shtetin verior indian Bihar thuhet se ka kafshuar për vdekje një gjarpër kobër, pasi ky i fundit iu mbështoll rreth krahëve.

Foshnja, e identifikuar vetëm me emrin Govinda, po luante në shtëpinë e tij në qytetin e vogël Bettiah, pranë kufirit Indi–Nepal, kur ndodhi incidenti, sipas mediave lokale të cituara nga The Independent.

"Kur pamë gjarprin të mbështjellë në dorën e fëmijës, të gjithë vrapuam drejt tij, por ndërkohë ai e kishte kafshuar dhe e kishte vrarë në vend", tha gjyshja e djalit për mediat lokale.

Pas ngjarjes, vogëlushi humbi ndjenjat dhe u dërgua menjëherë në një qendër shëndetësore për ndihmën e parë dhe më pas në spitalin e qytetit.

"Fëmija, Govind Kumar, u soll këtu dje nga qendra shëndetësore pranë fshatit të tij, pasi familjarët e transportuan me urgjencë pas humbjes së ndjenjave që pësoi menjëherë pasi kafshoi gjarprin e gjallë", deklaroi drejtori i spitalit, Duvakant Mishra, për Indian Express.

Thuhet se efektet e helmit ishin të lehta, duke e lënë fëmijën pa ndjenja, por jo në rrezik për jetën.

"Trajtimi në kohë i shpëtoi jetën Govindës", tha për Times of India mjeku Saurabh Kumar.

"Gjendja e djalit është e qëndrueshme aktualisht, po merr trajtim nën mbikëqyrjen e mjekëve. Ekipi mjekësor po kujdeset për të dhe ndjek nga afër gjendjen e tij", shtoi ai. Syri.net-CNN.gr

In Bettiah, Bihar, a one-year-old child bit a cobra, causing the snake's death. A few hours later, the child fainted. The doctor confirmed no signs of venom in the child's body and stated that the child is out of danger.
pic.twitter.com/LNSHoys1YX

— Ghar Ke Kalesh (@gharkekalesh) July 26, 2025