Shkëmbim i ri zjarri në kufirin midis Kamboxhias dhe Tajlandës

Shkëmbime të reja zjarri shpërthyen mëngjesin e 24 korrikut në kufirin midis ushtrive të Kamboxhias dhe Tajlandës, raportoi Ministria e Mbrojtjes e Kamboxhias dhe ushtria tajlandeze. Të dy vendet akuzuan njëra-tjetrën se hapën zjarr të parët.

Incidenti ndodhi pranë tempujve të lashtë në provincën verilindore Surin të Tajlandës dhe provincën veriperëndimore Oddar Meanchey të Kamboxhias. "Rreth orës 8:20 të mëngjesit (01:20 GMT), forcat kamboxhiane hapën zjarr drejt krahut lindor të tempullit Prasat Ta Muen Thom, afërsisht 200 metra larg bazës tajlandeze", tha ushtria tajlandeze në një deklaratë, shkruan RFI.

Tajlanda gjithashtu akuzoi Kamboxhian për përdorimin e një droni në vendin e kontestuar. "Ushtria tajlandeze shkeli integritetin territorial të Kamboxhias duke nisur një sulm të armatosur ndaj forcave kamboxhiane të stacionuara atje", tha Maly Socheata, zëdhënëse e Ministrisë së Mbrojtjes së Kamboxhias.

Vdekja e një ushtari Khmer pas një shkëmbimi zjarri natën në fund të majit në një zonë tjetër kufitare të kontestuar ka shkaktuar tensione midis Bangkokut dhe Phnom Penh, të cilat kanë ulur në mënyrë drastike lidhjet e tyre ekonomike dhe diplomatike.