Zelanda e Re miraton ligjin për mbikëqyrjen e infrastrukturës hapësinore, pas shqetësimeve për sigurinë kombëtare

Qeveria e Zelandës së Re miratoi të mërkurën një ligj të ri për të rregulluar përdorimin e infrastrukturës hapësinore tokësore, në përgjigje të shqetësimeve rreth përdorimit të saj nga aktorë të huaj që mund të kërcënojnë sigurinë kombëtare.

Ministrja e Hapësirës, Judith Collins, deklaroi se Projektligji për Amendamentin e Aktiviteteve në Lartësi të Larta në Hapësirën e Jashtme do të hyjë në fuqi më 29 korrik.

Sipas Collins, që nga ajo datë, të gjitha infrastrukturat hapësinore në tokë, përfshirë stacionet e ndjekjes satelitore dhe sistemet e telemetrisë, do t’i nënshtrohen një mbikëqyrjeje të re dhe masave mbrojtëse të përforcuara. Kjo nismë vjen në një kohë kur shumë vende po rishikojnë rregulloret për aktivitetet hapësinore, për të parandaluar shfrytëzimin e teknologjisë për qëllime armiqësore.

Autoritetet neozelandeze theksojnë se ligji synon të ruajë sigurinë kombëtare pa penguar zhvillimin e industrisë hapësinore. Kjo është ndër përpjekjet më të fundit të qeverisë për të forcuar kontrollin mbi infrastrukturën strategjike në epokën e rritjes së garës gjeopolitike në hapësirë.