Ish-Presidenti Barack Obama ka shokuar opinionin publik, teksa ka inkurajuar burrat të kenë miq gej për t'u mësuar djemve të tyre "empatinë" dhe për t'u shërbyer si modele, në episodin e së mërkurës të podkastit ‘IMO’ me Michelle Obama dhe Craig Robinson.

Gjatë paraqitjes së tij si i ftuar në podcastin e gruas dhe kunatit të tij, ish-presidenti diskutoi për rritjen e të rinjve “emocionalisht inteligjentë” dhe pse djemtë kanë nevojë për figura mashkullore, përveç baballarëve në jetën e tyre.

Obama kujtoi se si e shijonte vizitën e Michelle në shtëpinë e saj kur ata po takoheshin dhe sa shumë të afërm meshkuj kishte në familjen e bashkëshortes, ku secili tregonte mashkullorin në mënyrën e vet.

"Dhe kjo është një nga gjërat që mendoj se shumë herë djemtë kanë nevojë, nuk është vetëm ekspozimi ndaj një djali, një babai, pavarësisht sa i mirë është babai. Ai nuk mund të jetë gjithçka", filloi Obama. "Dhe ai djalë mund të ketë nevojë për dikë që t'i japë djalit një perspektivë mbi babain, apo jo?"

Obama tregoi se si një nga profesorët e tij të preferuar të kolegjit ishte hapur homoseksual dhe e kritikonte ashpër, sepse "thonte gjëra injorante" kur ai filloi për herë të parë orën e mësimit.

Ish-presidenti argumentoi se burrat kanë nevojë për miq LGBTQ, për të qenë shembull i mirësisë dhe empatisë dhe për të qenë një model për fëmijët e tyre, të cilët mund të dalin hapur si gej ose jo-binarë.

"Këtë ke nevojë, për të treguar empati dhe mirësi," vazhdoi ai. "Dhe, meqë ra fjala, ke nevojë për atë person në grupin tënd të miqve, në mënyrë që nëse ke një djalë që është gej ose jo-binar apo çfarëdo qoftë, ata të kenë dikë me të cilin mund të thonë, 'Në rregull, nuk jam vetëm në këtë,' apo jo? Kështu që, mendoj, kjo po krijon atë komunitet. E di që është banale, por kjo është ajo që u nevojitet."

Obama e quajti gjithashtu "premtuese", faktin që të rinjtë po fillojnë të kuptojnë se ka shumë mënyra të ndryshme për të qenë një "burrë i mirë, i fortë, i suksesshëm dhe i lumtur". Megjithatë, ai shprehu kritika ndaj brezit të ri për lënien pas disa nga aspektet e mira të asaj që përmbanin "modelet e vjetra" të burrërisë, siç është kalorësia./ Fox News.