"Ne do të ndërmarrim masa në mbështetje të interesave tona në rast nevoje", theksoi zëvendësministri i Jashtëm rus, Alexander Grushko.

Rusia nuk përjashton kundërmasat pas analizimit të paketës së 18-të të sanksioneve të BE-së, tha për TASS zëvendësministri i Jashtëm, Alexander Grushko.

"Sigurisht, ne do të analizojmë ndikimin e tyre në ekonominë tonë. Do të marrim masa në mbështetje të interesave tona në rast nevoje. Dhe disa kundërmasa janë gjithashtu të mundshme", tha diplomati i lartë.

Paketa e 18-të e sanksioneve anti-ruse e Bashkimit Evropian zgjeron listën e zezë të individëve dhe personave juridikë, ul çmimin maksimal për blerjet e naftës ruse në BE, përjashton mundësinë e rifillimit të operacioneve të tubacioneve të gazit Nord Stream, fut kufizime kundër anijeve cisternë dhe bankave, si dhe vendos kufizime të reja për eksportin./ TASS.