Maria Zakharova, zëdhënësja e Ministrisë së Jashtme ruse, tha se miratimi i SHBA-së për një paketë ndihme prej 95 miliardë dollarësh për Ukrainën, Izraelin dhe Tajvanin do të “thellonte krizat në të gjithë botën”.

“Ndihma ushtarake për regjimin e Kievit është sponsorizimi i drejtpërdrejtë i aktivitetit terrorist”, shkroi Zakharova në Telegram.

“Për Tajvanin, është ndërhyrje në punët e brendshme të Kinës. Për Izraelin, kjo është një rrugë drejt përshkallëzimit dhe një rritje të paprecedentë të tensionit në rajon”, theksoi ajo.