Lordi Cameron i ka kërkuar Izraelit të bëjë sa më pak të jetë e mundur për të mos i përshkallëzuar tensionet në Lindjen e Mesme, përpara bisedimeve me kryeministrin Benjamin Netanyahu.

Kjo, pasi Izraeli është zotuar të hakmerret pas sulmit të paprecedentë të Iranit me raketa dhe dron në fundjavë.

Sekretari i Jashtëm i Mbretërisë së Bashkuar do që ta shtyjë Izraelin të frenojë shkallën e kundërpërgjigjes së tij nga frika se mund të çojë në një luftë më të gjerë.

Ai i bëri thirrje qeverisë së Izraelit që të jetë "e zgjuar, aq sa edhe e ashpër".

Duke folur me gazetarët pak pasi mbërriti në Jerusalem të mërkurën, Lord Cameron tha se ishte atje për të "treguar solidaritet pas atij sulmi të tmerrshëm nga Irani".

Ai vazhdoi: "Është e drejtë t'i kemi bërë të qarta pikëpamjet tona për atë që duhet të ndodhë më pas, por është e qartë se izraelitët po marrin një vendim për të vepruar.

"Ne shpresojmë që ata ta bëjnë këtë në një mënyrë që të bëjë sa më pak për të përshkallëzuar këtë. Dhe në një mënyrë që, siç thashë dje, është e zgjuar sa dhe e ashpër.

"Por nevoja e vërtetë është që të ripërqendrohet përsëri te Hamas, përsëri te pengjet, të rikthehet te marrja e ndihmave, të kthehet në një armëpushim në konfliktin në Gaza."

Më vonë, Lord Cameron do të shkojë në një mbledhje të ministrave të G7 në Itali, ku do të bëjë presion për sanksione të koordinuara ndaj Iranit.

Ai ka akuzuar Teheranin se është "prapa aq shumë aktiviteteve malinje" në Lindjen e Mesme dhe u bëri thirrje vendeve të tjera të miratojnë masa për të kufizuar ndikimin e Iranit.