Mbështetësit e Donald Trump po akuzojnë Alex Soros, djalin e miliarderit George Soros, se ka përcjellë nj mesazh të kriptuar me kërcënime për vrasjen e ish-presidentit.
Lajmi po bën shumë bujë dhe është ndër më të komentuarit në median sociale.
Akuzat vijnë pasi të dielën, Soros postoi një artikull të revistës ‘Atlantic’ me titull ‘Normalizimi i madh’, ku jepen statistika për krimin dhe inflacionin gjatë vitit të shkuar.
“Vitin e kaluar, krimi dhe inflacioni thuajse avulluan. Po ashtu edhe teoritë kryesore rreth asaj që i kishte shkaktuar ato,” shkruan Soros.
Por është pikërisht fotoja e artikullit që ka shkaktuar zemërim. Aty shfaqet një vrimë plumbi në një xham dhe disa dollarë.
Mbështetësit e Trump thonë se dollarët janë 47 në total. Nisur nga besimi se Trump do të zgjidhet presidenti i 47-të i SHBA sivjet, reagimet janë të shumta.
“A më duket mua apo vrima e plumbit dhe përdorimi i 47 dollarëve janë një kërcënim për jetën e Trump nga Soros i ri,” shkruan një aktivist republikan.
Kurse aktivistja tjetër, Laura Loomer, një mbështetëse e zëshme e Trump, tha se Soros po nxit dhunë kundër ish-presidentit Trump.
Shumë mbështetës të Trump ia kanë dërguar mesazhet e tyre pronarit të rrjetit X, ku edhe është bërë postimi i Alex Soros.
“Pse nuk është në burg ky kloun,” thotë një komentues.
Kujtojmë se para pak ditësh në Davos, Alex Soros tha se e vetmja mënyrë për ta mbajtur Trump larg pushtetit është që të përfundojë në burg.
© SYRI.net