Tani do të ketë një rregullore kontrolli për të ekzaminuar menjëherë profilin e kujtdo që kërkon azil në BE.

Është arritur një marrëveshje politike për reformën e Paktit të Migracionit dhe Azilit mes Këshillit të BE-së, Komisionit Evropian dhe Parlamentit Evropian, pas bisedimeve maratonë që nisën të hënën.

@eu2023es delivers 🤝@EUCouncil and @Europarl_EN reach breakthrough in the reform to improve the EU migration and asylum system.

A political agreement has been reached on the five files of the EU neë Pact on Migration and Asylum.#EU2023ES pic.tëitter.com/Fr70DGFZzM

— Presidencia española del Consejo de la UE (@eu2023es) December 20, 2023

Çfarë parashikon marrëveshja?
Në parim, kjo marrëveshje mbulon pesë shtylla për të gjitha fazat e menaxhimit të azilit dhe imigracionit, duke filluar nga kontrolli i migrantëve të parregullt me ​​mbërritjen e tyre në BE, mbledhja e të dhënave biometrike, procedurat për paraqitjen dhe përpunimin e kërkesave për azil, rregullat për përcaktimin e Shtetit Anëtar përgjegjës për trajtimin e një kërkese për azil dhe bashkëpunimin dhe solidaritetin ndërmjet Shteteve Anëtare dhe mënyrën e trajtimit të situatave të krizës, duke përfshirë rastet e shfrytëzimit të migrantëve.

Sipas marrëveshjes, do të ketë një rregullore kontrolli për të profilizuar me shpejtësi një azilkërkues duke mbledhur informacione të tilla si kombësia, mosha dhe shenjat e gishtërinjve, më pas duke përditësuar Eurodac, bazën e të dhënave të BE-së, me gjurmët e gishtërinjve dhe fotografitë dixhitale të secilit emigrant ose refugjat.

All of the pieces are falling into place.

ëe have a breakthrough on the 5 key pillars of the Pact on Migration and Asylum.

It’s been a long road to get here. But ëe made it.

Europe is finally delivering on migration. pic.tëitter.com/dfXCzPë4oë

— Margaritis Schinas (@MargSchinas) December 20, 2023

Njëkohësisht parashikohen dy procedura azili, njëra e shpejtë brenda 12 javëve dhe ajo standarde që do të marrë më shumë kohë. Sipas rregullores së menaxhimit të krizave, Komisioni do të jetë përgjegjës për të vendosur se çfarë përbën një situatë "krize" në një vend. Në rast se flukset e migracionit dhe refugjatëve justifikojnë këtë karakterizim, vendet e mbetura anëtare të BE-së ose do të duhet të pranojnë në territorin e tyre azilkërkuesit që mbërrijnë në shtetet e vijës së parë (p.sh. Greqia, Italia, Spanja), ose të paguajnë, në kontekstin e solidaritetit të detyrueshëm , para për shtetet e vijës së parë.

Beteja e vështirë për të reformuar rregullat e imigracionit dhe azilit e ka ndarë BE-në në dy kampe, me vendet e vijës së parë si Italia, Greqia, Malta, Qiproja dhe Spanja që bëjnë thirrje për më shumë ndihmë të BE-së, ndërsa vendet veriore si Gjermania, Danimarka dhe Holanda këmbëngulin që emigrantët duhet të qëndrojnë në vendin e parë të BE-së që arrijnë.

Presidentja e Parlamentit Europian, Roberta Metzola , në postimin e saj në platformën “X”, tha se “BE ka arritur një marrëveshje historike për një grup të ri rregullash për menaxhimin e migracionit dhe azilit”, ndërsa nga ana e Presidentja e Komisionit Evropian, Ursula von der Leyen u shpreh:

“Emigracioni është një sfidë evropiane që kërkon zgjidhje evropiane. Çdo vit, qindra mijëra emigrantë të parregullt bëjnë udhëtime të rrezikshme për të arritur në kufijtë tanë. Ata janë shpesh viktima të kriminelëve, kontrabandistëve dhe trafikantëve, të cilët i joshin me premtime të rreme për kalim të sigurt dhe u zhvatin para. Shtetet anëtare në kufijtë tanë të jashtëm duhet të menaxhojnë imigracionin e paligjshëm - shpesh duke sfiduar mbrojtjen e tyre kufitare. Në fillim të mandatit tim, u angazhova për krijimin e një sistemi të përbashkët të menaxhimit të migracionit të BE-së. Ky Pakt mbi Migracionin dhe Azilin do të sigurojë që të ketë një përgjigje efektive evropiane ndaj kësaj sfide evropiane. Do të thotë se evropianët do të vendosin se kush do të vijë në BE dhe kush mund të qëndrojë, jo kontrabandistët. Do të thotë të mbrosh ata që kanë nevojë. Ky Pakt do të sigurojë gjithashtu që Shtetet Anëtare të ndajnë përpjekjet me përgjegjësi, duke treguar solidaritet me ata që mbrojnë kufijtë tanë të jashtëm, ndërsa parandalojnë imigracionin e paligjshëm në BE . "

Pas marrëveshjes së sotme politike, në javët në vijim do të vijojë puna në nivel teknik për zbardhjen e detajeve të rregulloreve të reja. Marrëveshja e përkohshme do t'u dorëzohet më pas përfaqësuesve të Shteteve Anëtare (Coreper) për konfirmim.