Tre pengjet izraelite që u vranë gabimisht nga ushtarët e Forcave të Mbrojtjes të Izraelit (IDF) në Gaza të premten kishin përdorur më parë ushqimin e mbetur për të shkruar një thirrje SOS për ndihmë, njoftuan sot Forcat e Mbrojtjes izraelite.

Në njoftim thuhet se tre burrat peng të Hamasit kanë qëndruar për disa kohë në ndërtesën pranë së cilës u vranë, raporton BBC.

Ndërkohë, ministria e shëndetësisë në Gaza e drejtuar nga Hamasi tha se të paktën 90 njerëz u vranë në sulmet ajrore izraelite në kampin e refugjatëve Jabalia të dielën, por BBC nuk mund të konfirmonte saktësinë e këtyre pretendimeve.

Një bllok apartamentesh në të cilin ishin vendosur dy familje u godit gjithashtu nga sulmet ajrore izraelite, njoftoi ministria.

Rreth 120 pengje besohet se mbahen ende nga Hamasi dhe grupet e tjera që mbështesin organizatën në Rripin e Gazës, duke i vënë autoritetet izraelite nën presion në rritje për të arritur një marrëveshje për të liruar njerëzit.

Zyrtarët izraelitë kanë pranuar se likuidimi i tre burrave, pengje që mbanin një flamur të bardhë pas mbishkrimit SOS, ishte një shkelje e "rregullave të shërbimit".