Pasagjerët në një udhëtim me avion nga Amsterdami për në Detroit e kaluan natën në një kazermë ushtarake në lindje të Kanadasë pasi avioni u detyrua të ulej për shkak të një defekti mekanik.

Ekuipazhi i “Delta Airlines” e devijoi fluturimin të dielën për në Newfoundland dhe Labrador, raportoi fillimisht televizioni WJBK.

Pasagjeri Tony Santoro nga Troy në periferi të Detroitit i tha stacionit televiziv se pasagjerët ishin vendosur në kazerma gjatë pritjes 24-orëshe. “Sinqerisht u ndjeva si në një hotel”, tha ai. "Nuk ishte shumë keq. Kishim sapun, ujë, gjithçka."

Ndërsa pasagjeri Nathan Johnson tha se kishte pak informacion nga linja ajrore se çfarë po ndodhte.

Avioni 135 i Delta u devijua për në aeroportin Goose Bay "për një kujdes të madh", tha linja ajrore për Associated Press në një deklaratë.

"Ekuipazhi u ndikua për shkak të kushteve të motit dhe pistës në aeroportin Goose Bay, duke bërë që aeroporti të pezullonte operimet. Delta dërgoi avionë shtesë në Goose Bay për të çuar klientët në destinacionin e tyre përfundimtar të hënën."

Delta punoi me zyrtarët në “Goose Bay” për të rregulluar ushqimin, ujin dhe akomodimin të dielën mbrëma, thanë linjat ajrore, duke shtuar se pasagjerët do të kompensoheshin për shqetësimin.

Nathan Johnson, 45 vjeç, ishte një nga pasagjerët që kaloi orë të tëra me gruan e tij në pistë duke pritur për të zbritur nga avioni. Johnson tha se pasagjerët qëndruan pesë orë duke pritur që një aeroplan tjetër të mbërrinte për t'i çuar në Detroit.

Kur avioni i dytë mbërriti më në fund, Johnson tha se pasagjerët hipën dhe më pas iu tha se ekuipazhit i kishte mbaruar turni dhe se ata duhej të zbrisnin përsëri. Johnson dhe pasagjerët u dërguan si përfundim në kazermat ushtarake me autobusë të shkollave rreth orës 6 të mëngjesit të së hënës.

Ashtu si pjesa tjetër e pasagjerëve, Johnson kishte mbërritur në kazermë i papërgatitur për të kaluar natën pa çanta dhe tualetet. Disa pasagjerë nuk kishin as pallto në motin e ftohtë të Kanadasë.

Johnson tha se ai dhe gruaja e tij u detyruan të flinin me rrobat që kishte veshur që nga nisja nga Mynihu në Gjermani, orë më parë.

"Ne u kthyem në dhomat pa e kuptuar se deri kur duhet të zgjoheshim ose kur duhet të ishim gati," tha ai. “Nuk kishte pasur asnjë komunikim”.

Johnson tha se ai shikoi nga dritarja dhe pa autobusët që lëviznin në orën 11 të mëngjesit të së hënës. Kështu ai dhe gruaja e tij nxituan të hipnin në autobusët për në aeroport, ku iu desh të kalonin sërish kontrollet e sigurisë me një personel gjysmak të papërgatitur për të ndihmuar të gjithë pasagjerët e avionit. Avioni i tyre i radhës nuk u nis deri në orën 17:00, ndërkohë që jashtë binde borë.

Gruaja e Johnson kishte marrë trajtim mjekësor në Gjermani, kështu që të dy ishin të rraskapitur dhe të paduruar për t'u kthyer në shtëpinë e tyre në Lansing, Michigan.

"Ishte surreale," tha ai. "E turbulloi gjithë udhëtimin tonë."

​