Ndërsa dimri mbështjell Evropën me batanijen e bardhë, kontinenti zbulon disa destinacione të përballueshme dhe magjepsëse që mund t'i eksploroni.

Përcaktimi i vendeve evropiane më të mira dhe më të lira për t'u vizituar gjatë dimrit varet nga faktorë të ndryshëm, duke përfshirë preferencat personale, interesat dhe qëllimet e udhëtimit.

Megjithatë, pavarësisht nëse jeni një entuziast i sporteve dimërore ose dikush që po kërkon një "arratisje" komode, SchengenVisaInfo.com ka nxjerrë një listë të dhjetë destinacioneve më të mira buxhetore që ofrojnë një përvojë të paharrueshme.

Bullgaria

E vendosur në zemër të Evropës Lindore, Bullgaria shfaqet si një vend i çudirave dimërore.  Nga të gjitha destinacionet brenda vendit, qyteti turistik i skive i Bansko është një vend që duhet vizituar nga entuziastët e sporteve dimërore.

Çmimet e akomodimit në Bansko fillojnë nga 35 € për një natë dhe deri në rreth 180 € për akomodime më luksoze.

Përveç sa më sipër, udhëtarët në Bullgari mund të eksplorojnë rrugët me kalldrëm të Sofjes, kryeqytetit, ku historia takohet me gjallërinë moderne.

Rumania

Rumania, një vend me histori dhe bukuri natyrore, është një destinacion që duhet vizituar gjatë dimrit për ata që duan të kalojnë një kohë të mirë duke mos shpenzuar shumë.

Gjatë dimrit, udhëtarët në Rumani mund të eksplorojnë hijeshinë mesjetare të qyteteve si Brasov dhe Sibiu, të rrethuar nga malet Karpate.

Të apasionuarit pas sporteve dimërore rekomandohen të qëndrojnë në Poiana Brasov, një vendpushim skish që ofron paketa të përballueshme dhe pamje të lë pa frymë gjatë dimrit.

Çmimet në Poiana Brasov për një natë fillojnë nga rreth 40 euro dhe arrijnë deri në disa qindra euro në varësi të shërbimeve dhe kushteve që ofrojnë hotele të ndryshme. Kryeqyteti i Rumanisë, Bukureshti, është gjithashtu gjithmonë një ide e mirë për një turne të shkurtër në qytet. Ka shumë restorante dhe aktivitete që udhëtarët mund të bëjnë gjatë qëndrimit të tyre.

Polonia

Me qytetet e saj historike dhe peizazhet piktoreske, Polonia është gjithashtu një destinacion buxhetor.

Qytetet e Krakovës dhe Varshavës, të pasuruara me arkitekturë historike, gjallërohen me një frymë festive gjatë muajve të dimrit, duke siguruar që udhëtarët të kenë një përvojë të paharrueshme.

Çudia dimërore e Polonisë shtrihet përtej peizazheve të qytetit, duke ofruar peizazhe piktoreske dhe vendpushime skish të përballueshme për ata që kërkojnë aventura me dëborë.

Hungaria

Hungaria është një nga vendet evropiane më të përballueshme. Budapesti, kryeqyteti i tij, ofron një përvojë unike dimërore me banjat termale, monumentet historike dhe magjinë e dimrit.

Tregjet e Krishtlindjeve të Budapestit krijojnë një atmosferë komode gjatë dimrit "pa sforcuar" buxhetin tuaj. Për më tepër, kostoja e përgjithshme e ulët e jetesës në Hungari shton joshjen e saj, duke siguruar që aventurat dimërore të udhëtarëve të jenë jo vetëm të pasura kulturalisht, por edhe të lehta në portofol.

Portugalia

Portugalia, një strehë e mbuluar nga dielli e famshme për "joshjen" e saj verore, zbulon një bukuri të fshehur gjatë dimrit.

Me uljen e temperaturave, Porto dhe Portugalia bëhen destinacione perfekte për udhëtarët. Me mot më të butë dimëror, të dy qytetet tregojnë anën e tyre më të qetë dhe autentike.

Për më tepër, shijimi i thesareve kulturore, nga distrikti Ribeira i Portos deri në Kullën ikonike Belém të Lisbonës, vjen me përfitimin e më pak turmave.

Çekia

Çekia është një destinacion përrallor në zemër të Evropës që ofron një eksperiencë të paharrueshme për të gjithë ata që kanë një buxhet. Gjatë dimrit, Kalaja e Pagës bëhet një pamje shumë e këndshme kundër qiellit të dimrit. Përveç kësaj, lumi Vltava i shton bukurinë qytetit.

Të apasionuarit pas sporteve dimërore mund të gjejnë gjithashtu shumë vende për të shijuar hobet e tyre, me Parkun Kombëtar Bohemian Saxon Switzerland që duhet vizituar.

Akomodimi i përballueshëm si dhe kostoja më e ulët e jetesës, e bëjnë Çekinë një destinacion shumë mikpritës gjatë dimrit, duke i lejuar udhëtarët të "zhyten" në trashëgiminë e pasur kulturore të vendit pa sforcuar buxhetin e tyre.

Sllovakia

Kryeqyteti, Bratislava, është zbukuruar me Qytetin e Vjetër, ku rrugët me kalldrëm të çojnë në monumentet historike. Bukuria e vendit shtrihet përtej peizazhit të qytetit deri në Tatras të Lartë, duke ofruar vendpushime skish të përballueshme dhe peizazhe mahnitëse.

Sllovakia është e njohur për majat e saj të mbuluara me borë dhe mikpritjen.

Sa i përket akomodimit në Sllovaki, ato nuk janë vetëm komode, por edhe "të lehta" në portofol, duke lejuar një përvojë magjepsëse dimërore.

Greqia

E njohur për plazhet e saj të njomur nga dielli, Greqia zbulon një lloj tjetër bukurie në dimër. Athina dhe Selaniku përgjithësisht kanë temperatura të buta dimërore.

Thesaret historike, nga Akropoli te Kulla e Bardhë, i ftojnë vizitorët të eksplorojnë historinë e lashtë.

Fryma mikpritëse e Greqisë mbetet e gjallë edhe në muajt e ftohtë, me vendasit që ndajnë ngrohtësinë dhe mikpritjen e tyre.

Përballueshmëria e akomodimit i lejon udhëtarët që vizitojnë gjatë dimrit të kalojnë më shumë ditë në qytet dhe të kënaqen me kënaqësitë e kuzhinës pa harxhuar shumë para.

Letonia

Letonia, një perlë e fshehur në rajonin e Balltikut, bëhet një përrallë dimërore që pret të eksplorohet nga udhëtarët nga e gjithë bota. Kryeqyteti i Letonisë, Riga, magjeps me arkitekturën e tij të ruajtur mirë të mbuluar me borë, e cila e kthen qytetin në një vend magjik të çudirave.

Qyteti i Vjetër është një vend i përsosur për shëtitje dimërore. Magjepsja dimërore e vendit shtrihet në tregun festiv të Chrismtas, ku zanatet vendase si dhe ëmbëlsirat e ngrohta krijojnë një atmosferë komode. Megjithatë, tregu mbetet i hapur vetëm për një kohë të kufizuar, por ka shumë për të bërë në vend gjatë dimrit me një buxhet.

Akomodimet e përballueshme dhe shpirti mikpritës e bëjnë Letoninë një destinacion ideal për udhëtarët me buxhet që kërkojnë një përvojë unike dimërore.

Estonia

Estonia është një tjetër destinacion tërheqës evropian që duhet të jetë në listën e atyre që planifikojnë të udhëtojnë pa shpenzuar shumë.

Talini, kryeqyteti mesjetar, ka shumë për t'i ofruar turistëve gjatë muajve të dimrit.