Komisioni Evropian tha se Franca, Belgjika, Finlanda dhe Kroacia janë "në rrezik" për të thyer rregullat e buxhetit të BE-së vitin e ardhshëm për shkak të shpenzimeve të tepërta, raporton AFP.

Nëntë vende të tjera të BE-së – Austria, Gjermania, Italia, Luksemburgu, Letonia, Malta, Holanda, Portugalia dhe Sllovakia – u gjykuan “jo plotësisht në përputhje” me rregullat, shkruan The Guardian, përcjell “Bota sot”.

Rregullat buxhetore të BE-së u pezulluan në fillim të vitit 2020 për të ndihmuar bllokun të përballojë rënien ekonomike nga pandemia, duke lejuar që subvencionet shtetërore të rrjedhin përtej kufizimeve të zakonshme.

Kjo masë e jashtëzakonshme u zgjat deri në fund të vitit 2023 për të përballuar më pas pasojat e luftës në Ukrainë, me rregullat që do të kthehen në fuqi më 1 janar të vitit të ardhshëm.