Hetimi federal për fushatën 2021 të kryebashkiakut Eric Adams është përshkallëzuar me bastisje shtesë të FBI-së, duke vënë nën shënjestër htëpitë e Rana Abbasovës, një punonjëse e bashkisë dhe Cenk Öcal, një ish-ekzekutiv i Turkish Airlines.

Të dy individët kanë lidhje me Turqinë dhe janë nën vëzhgim në lidhje me hetimin e vazhdueshëm të korrupsionit në fushatën e Adamsit.

Hetimi është fokusuar nëse ekipi i Adamsit bashkëpunoi me qeverinë turke për të financuar fushatën e tij nëpërmjet donacioneve të huaja dhe nëse ai ushtroi ndikim në FDNY për të përshpejtuar lejet për një konsullatë të re turke. Abbasova, e lënë pushim pasi një revizion i bashkisë zbuloi se ajo kishte "vepruar në mënyrë të pahijshme" dhe Öcal, i cili punoi në ekipin e tranzicionit të Adamsit, nuk janë akuzuar për ndonjë keqbërje.

Bastisjet e hershme në mëngjes nga FBI-ja më 2 nëntor ia shtojnë kompleksitetin hetimit, i cili ka përfshirë edhe sekuestrimin e dy celularëve të kryebashkiakut dhe një iPad.

Ndonëse vetë Adamsi nuk është përballur me akuza për keqbërje, hetimi vazhdon të zbulojë lidhjet e mundshme midis fushatës së tij dhe interesave turke, duke ngritur pyetje në lidhje me ndikimin e huaj dhe praktikat e financimit të fushatës./Nypost-Syri.net