Në lidhje me këto akuza Apple bëri një reagim, ku deklaroi se ky nuk ishte “diskriminim i qëllimshëm”.

Megjithatë, gjigandi i teknologjisë, do të paguajë gjobën për të shlyer akuzat e diskriminimit në punë që dyshohet se e ka kryer këtë vepër duke rënë ndesh me Aktin e Emigracionit dhe Kombësisë.

Departamenti i Drejtësisë të SHBA, njoftoi se Apple vendosi të paguajë 6.75 milionë dollarë gjoba civile dhe të krijojë një fond prej 18.25 milionë dollarësh për shlyerjen e dëmshpërblimeve për viktimat e diskriminimit, e cila shtoi se vlera e gjobës është më e madhja që departamenti ka marrë në lidhje me këtë çështje.

Apple akuzohet për përfshirje në një model rekrutimi diskriminues bazuar në statusin e shtetësisë për pozicionet që kërkonte të plotësonte përmes Programit të Certifikimit të Përhershëm të Punës (PERM), i cili është nën mbikëqyrjen e Departamentin të Punës të SHBA-së.

Departamenti i Sigurisë Kombëtare të SHBA-së është ai i cili i lejon punëdhënësit të zhvillojnë aktivitetin e tyre për të punuar përgjithmonë në Shtetet e Bashkuara, ndërsa Apple preferoi të punësonte persona që kishin viza të përkohshme për pozicione të lidhura me Programin e Certifikimit të Përhershëm të Punës, në vend të aplikantëve të kualifikuar.

Autoritetet mbikëqyrëse njoftojnë më tej se gjiganti i teknologjisë akuzohet se nuk reklamonte pozicione në website-in e tij të punës duke mos respektuar parimet e PERM.

Ndihmës Prokurorja e Përgjithshme Kristen Clarke nga Departamenti i të Drejtave Civile të Amerikës, bëri me dije se vendimi i gjykatës pasqyron angazhimin e departamentit të tyre për t’i dhënë fund praktikave të paligjshme diskriminuese në vendin e punës.