Grupi humanitar ndërkombëtar ‘Mjekët pa kufij’ thonë se kanë humbur kontaktet me stafin e tyre brenda objektit më të madh të kujdesit shëndetësor të Gazës, Spitalit Al-Shifa, mes raporteve për "bombardime të rënda" në afërsi të kompleksit.

“Gjatë orëve të fundit, sulmet kundër spitalit Al-Shifa janë intensifikuar në mënyrë dramatike. Stafi i [Mjekët pa Kufij] në spital raportoi një situatë katastrofike brenda”, tha grupi humanitar në një postim në X, dikur Twitter, në orën 3:43 të mëngjesit me orën lokale të Gazës. 

Grupi tha se ishte jashtëzakonisht i shqetësuar për sigurinë e stafit dhe pacientëve në Spitalin Al-Shifa, disa prej të cilëve ishin në gjendje kritike dhe të paaftë për të lëvizur ose evakuuar.

"Ka një pacient që kanë nevojë për operacion. Ne nuk mund të evakuojmë veten dhe ti lemë këta njerëz brenda. Si mjek, betohem të ndihmoj njerëzit që kanë nevojë për ndihmë," citoi grupi i Dr. Mohammed Obeid, kirurg në këtë spital.

Komunikimet brenda Gazës kanë rënë periodikisht që nga fillimi i fushatës ushtarake të Izraelit muajin e kaluar – shpesh si rezultat i mungesës së energjisë ose ndërprerjeve e rrjetit.

Ka pasur raportime për sulme izraelite pranë Spitalit Al-Shifa, teksa stafi i spitalit dhe Ministria palestineze e Shëndetësisë në Ramallah postonin video në internet që duket se tregojnë bombardime të forta në zonën përreth kompleksit.

Një zëdhënës i Organizatës Botërore të Shëndetësisë (OBSH) tha të premten se al-Shifa po "bombardohej", duke shtuar se 20 spitale në Rripin e Gazës ishin "jashtë veprimit".

E pyetur në lidhje me një sulm të mundshëm ajror izraelit në spitalin al-Shifa të premten, zëdhënësja e OBSH-së Margaret Harris tha në një konferencë: "Unë nuk kam detaje për al-Shifa, por ne e dimë se ata po bombardohen".

Ushtria izraelite ka  pretenduar  se një "predhë e gabuar e lëshuar nga organizatat terroriste brenda Rripit të Gazës" ishte përgjegjëse për një  sulm të mëparshëm në spital.

Lajmi vjen një javë pasi Izraeli shënjestroi një ambulancë jashtë spitalit, duke vrarë të paktën 15 persona dhe duke plagosur 50 të tjerë. Autoritetet izraelite thanë se automjeti po përdorej nga Hamasi.

Izraeli akuzon Hamasin se është futur në infrastrukturën civile duke u shprehur se do ta godasë Hamasin "kudo që të jetë e nevojshme.