Udhëheqësi suprem i Iranit, Ayatollah Ali Khamenei, thotë se Perëndimi mban fajin për katastrofën e vazhdueshme humanitare në Gaza dhe ka "humbur fytyrën" në opinionin publik global.

“Njerëzit e Gazës kanë mobilizuar ndërgjegjen e publikut me durimin e tyre. Shikoni se çfarë po ndodh në botë”, tha Khamenei.

“Në Britaninë e Madhe, Francë, Itali dhe SHBA, shumë njerëz dolën në rrugë dhe brohoritën parulla kundër Izraelit dhe Shteteve të Bashkuara. Ata kanë humbur besueshmërinë e tyre dhe në të vërtetë nuk ka zgjidhje për ta pasi nuk mund të justifikojnë sulmin e Izraelit.

“Bota e Islamit nuk duhet të harrojë në rastin e Gazës, ishin SHBA, Franca dhe Britania e Madhe që qëndruan kundër popullit të shtypur të Gazës, nuk ishte vetëm regjimi sionist.”

Udhëheqësi suprem u bëri thirrje gjithashtu shteteve myslimane që të ndalojnë eksportet e naftës dhe ushqimit në Izrael, në mënyrë që të ndalojnë bombardimet e Gazës, njoftuan mediat shtetërore iraniane.