Sekretari amerikan i Shtetit, Antony Blinken, gjatë fjalimit të tij në OKB, paralajmëroi Iranin që të mos guxojë të sulmojë interesat amerikane në Lindjen e Mesme.

Blinken deklaroi se SHBA do të reagojë me vendosmëri nëse Irani apo përfaqësuesit e tij do të sulmojnë personelin amerikan, kudo që ai ndodhet.

 ‘Shtetet e Bashkuara nuk kërkojnë konflikt me Iranin. Ne nuk duam që kjo luftë të zgjerohet. Por nëse Irani ose përfaqësuesit e tij sulmojnë personelin amerikan kudo, mos bëni gabim. Ne do të mbrojmë popullin tonë, do të mbrojmë sigurinë tonë, me shpejtësi dhe me vendosmëri,’ tha Blinken.

Më tej, sekretari amerikan i bëri thirrje Izraelit që të tregojë kujdes me civilët palestinezë dhe kërkoi më shumë ndihma, ilaç dhe furnizim me ujë për banorët e Gazës.