Osama Hamdan, një zyrtar i Hamasit, ka thënë në një konferencë shtypi në Liban se SHBA - dhe të gjitha vendet perëndimore që mbështesin Izraelin - "mbajnë përgjegjësinë e plotë për luftën kundër civilëve në Gaza".

Komentet e Hamdanit erdhën pas shpërthimit në spitalin Al Ahli në Gaza. Hamasi, i cili drejton Rripin e Gazës, fajësoi Izraelin për shpërthimin, njofton BBC.

Që atëherë, Forca e Mbrojtjes e Izraelit ka pretenduar se është shkaktuar nga një raketë e dështuar nga lëshimi nga grupi i Xhihadit Islamik Palestinez dhe se lëshimet e gabuara të raketave nga Gaza po shtohen

Izraeli ka kryer sulme ajrore në Gaza që kur militantët e Hamasit nisën valë sulmesh vdekjeprurëse ndaj Izraelit më 7 tetor.

Numri i të vdekurve palestinezë që nga 7 tetori shkoi në 3300

Ministrja palestineze  Shëndetësisë Mai al-Kaila tha se numri i të vrarëve në Gaza që kur Izraeli filloi sulmet ajrore 11 ditë më parë ka shkuar në 3300. Ajo shtoi se 13000 të tjerë janë të plagosur.

Të paktën 1,300 izraelitë janë vrarë në sulmet e Hamasit që nisën në ciklin më të fundit të dhunës, me të paktën 199 persona që mendohet se janë marrë peng.